الشروط والخصوصية
راجع دور المنصة، وشروط الاتفاق، وإزاي بنستخدم بياناتك.
راجع بيانات التحويل قبل ما تبعت
Noqvar محفظة وصفقات برصيد محجوز بين أعضاء Discord، تحت مسؤولية إدارة Noqvar. التجربة الحالية بشبكات اختبار، من غير فلوس حقيقية. المنصة بتحفظ الأرصدة وبتتحكم في مفاتيح محافظ الشبكات، والعضو بيتابع حقه في السجل الداخلي. ده مش حساب بنكي ولا ضمان لهوية الطرف التاني. تقدر تودّع جنيه مصري، أو دولار PayPal، أو ريال سعودي، أو كردت AdamC، أو عملات رقمية LTC وUSDT وSOL وETH. الصفقات بين الأعضاء من الرصيد بس، والمبلغ بيتحجز لحد تنفيذ شروط الاتفاق.
قبل الموافقة، راجع المطلوب والمبلغ والرسوم ومين بيدفعها ومدد التسليم والمراجعة والحماية. بعد موافقة الطرفين، الاتفاق ما بيتعدلش. الرسوم حسب الاتفاق اللي وافقتم عليه. أي تغيير في إعدادات الرسوم أو المدد بيطبق على الصفقات الجديدة بس.
لو حصل خلاف، الإدارة بتحكم على أساس الاتفاق المكتوب جوه الصفقة والأدلة المقدمة. النتيجة ممكن تكون استرداد المبلغ، أو تحريره، أو تقسيمه. احتفظ بالإيصالات وقدّم الأدلة المطلوبة، وما تعتمدش على وعود برا الاتفاق.
ملفات الأدلة متاحة لطرفي الصفقة والإدارة المسؤولة عنها. مفيش حذف تلقائي بميعاد محدد متنفّذ حاليًا. طلب المراجعة أو الحذف يتبعت للإدارة، والسجل المالي وقرار الحكم بيتحفظوا منفصلين.
الدخول بحساب Discord. بنستخدم الاسم والصورة ورقم الحساب الثابت، وبنطلب الانضمام لسيرفر Noqvar عشان البوت يقدر يبعت تنبيهات. اسم العضو وبيانات الدفع اللي بيكتبها ما يثبتوش هويته أو ملكيته للحساب.
ما تشاركش كود التأكيد أو أكواد الاسترجاع مع حد. بيانات الدفع والعناوين والأجهزة وسجل العمليات بتستخدم لتشغيل الخدمة ومراجعة المشاكل. رسائل Discord فيها ملخص ورابط للموقع، من غير بيانات حسابات أو عناوين كاملة. إرسال التنبيه ما معناهش إنه اتقرا.
طلب المتجر محتاج حساب وتفعيل 2FA. راجع المنتج والمنطقة والسعر قبل الدفع. السعر بالدولار، والدفع من الرصيد بعملة ليها سعر متاح، من غير رسوم منفصلة. عرض الدفع صالح 60 ثانية. المبلغ بيتحجز لحد الاستلام؛ تقدر تلغي قبل بدء تجهيز الطلب ويرجع الحجز كامل بنفس العملة. التسليم كود أو رابط هدية أو تعليمات، من غير باسورد حسابك، ومحتواه بيتحفظ متشفّر. لو الكود مشتغلش، بلّغ من صفحة الطلب قبل نهاية المدة الظاهرة؛ الإقفال بيقف لحد المراجعة والاستبدال أو الاسترداد الكامل. الاستبدال بيبدأ مدة مراجعة جديدة. لو أكدت «استلمت وشغال» أو المدة انتهت من غير بلاغ، الطلب بيكتمل والمبلغ بيتحرر للمتجر. بعد الإقفال اكتب للإدارة لو فيه مشكلة. شراء المنتجات بالشحن لسه قريبًا.
رصيد تيثر USDT جوه Noqvar بدقة 6 أرقام بعد العلامة العشرية. لو الإيداع على شبكة بتدعم كسور أدق، الرصيد بيتقرب لتحت لأقرب 0.000001 USDT. البواقي الأصغر من كده بتتسجل في حساب كسور تابع للمنصة، ومش بتتضاف لرصيد المستخدم.
لمشكلة في طلب فلوس، اكتب في محادثة نفس الطلب. لمشكلة صفقة، افتح «في مشكلة في الصفقة؟» وارفع الأدلة. لو الرد اتأخر أو عندك شكوى، اطلب تصعيد للمالك في نفس المحادثة. لمشكلة حساب، تواصل مع إدارة سيرفر Noqvar من بيانات السيرفر في إعدادات التنبيهات. ما تبعتش أكواد أو كلمات سر. بيانات Discord والأجهزة بتستخدم للدخول والأمان، وبيانات الدفع للطلبات. السجل المالي والأمني بيتحفظ للمحاسبة ومراجعة المشاكل. انتهاء الجلسة بيقفل استخدامها، وربط Discord المؤقت صلاحيته محدودة، وبياناته بتتشال لما الربط ينجح أو يتراجع بعد انتهاء الصلاحية. مفيش حذف تلقائي شامل للحساب بميعاد معلن. اطلب مراجعة أو حذف البيانات من الإدارة، وهي هتوضح اللي ينفع يتحذف واللي لازم يفضل بسبب عملية أو نزاع مفتوح. اكتب البيانات المطلوبة بس، وما تشاركش كلمات سر أو أكواد تأكيد أو أكواد الاسترجاع في المحادثات أو ملفات الأدلة.
إيداع الجنيه والريال السعودي وAdamC بيبقى متاح بعد تأكيد الإدارة لوصول الفلوس، وPayPal بعد خمسة أيام من التأكيد. إيداع العملات الرقمية بيبقى متاح بعد اكتمال تأكيدات الشبكة. السحب متاح للجنيه والعملات الرقمية. سحب PayPal مش متاح، والسحب المباشر للريال وAdamC مش متاح.